وكالة أنباء الأدب العربــــــــــــى

قصائد رومانسيه

Normal 0 false false false MicrosoftInternetExplorer4 /* Style Definitions */ table.MsoNormalTable {mso-style-name:"Table Normal"; mso-tstyle-rowband-size:0; mso-tstyle-colband-size:0; mso-style-noshow:yes; mso-style-parent:""; mso-padding-alt:0cm 5.4pt 0cm 5.4pt; mso-para-margin:0cm; mso-para-margin-bottom:.0001pt; mso-pagination:widow-orphan; font-size:10.0pt; font-family:"Times New Roman"; mso-ansi-language:#0400; mso-fareast-language:#0400; mso-bidi-language:#0400;}

 

ضل جانى

--------- 

شعر: محمد عبد القوى حسن

 

ورده من سفن اشتياقى

لسر  زاتى فى تكويناتى

من تسابيح انبساطى

من بحر صفو حكاياتى

من عسل مجد ابتدائى

للربيع اللى كسانى

ضل جانى

من جنان سحره عطانى

وبرضا شوقه احتوانى

ياكيانى يانى يانى

دوقينى المعنى تانى

عطر حرف الشوق شجانى

السما تمطر اغانى

والمطر يروى المعانى

تطلع النشوه فى ورودى

تغسل الضحكه فى خدودى

تشطف الحلم بامانى

زمزمينى

بلى شرخ الجرح فينى

بلسمينى

وانبضى فى عروق حنينى

روضى الضحكه لانينى

عودى البسمه تلاقينى

ارسمى الفجر فى عيونى

رقصى البدر فى جنونى

يرسى بحرك للموانى

 

 

 

 

تعودى لسحر موعودى
----------------------
للشاعر / محمد عبد القوى حسن
عضو اتحاد كتاب مصر

----------------------

صور رومانسية | مدونة مزايين
هل فاكره السنين السمر
او فاكره الشطوط الخضر
او فاكر النخيل والجنه
او فاكره ليالى الحنه
او فاكره القلوب البيضه
والعيشه الجميله سعيده
او فاكره لقانا صغار
يوم كنا فى ربيع لعمار
والضحكه كانت تجمعنا
والفرحه تشيل مواجعنا
فاكرانى نستينى انا فاكرك
نسيانى وانا اللى بذاكرك
ذاكرانى فى بعادك ذاكرك
تلقانى الاقيكى منين
وطريقك حبيبتى لفين
عنابك دبل على بابك
واحبابك بقوش احبابك
غير بس الحنين دوبنى
واشواقى اللى بتعذبنى
نفس ارجع لسحر عنيكى
وف وسط الطريق الاقيكى
واناديكى تجينى واجيلك
واهدى للعطر منديلك
واتهجى البدر .. ارويكى
من نهر الحنان وارقيكى
وافتحلك دروبى طريقى
على وتر الهوى اغنيلك
واحفظ للنسيم مواويلك
لسفاين الشطوط ارسيلك
مناديلى الهوى لعبيرك
فاكرانى نسيت ايامك
والا اقدر على احلامك
انا لاخر سنينى بحبك
وفارشلك ورودى فى دربك
بس انتى تجينى تلاقى
ببدرلك حنينى الباقى
تطلع للنسيم اشواقى
يحضنها الربيع الزين
وانا اغنى ياليلى ياعين
وانت تمنحينى احاسيسك
واحضن فرحتى ببدورها
يدخلها الامل ويزورها
على عتبة قليبك واقف
ولنغمة عنيكى انا شايف
وراجعلك اقولك تانى
هل فاكره السنين السمر
ام فاكره الشطوط الخضر
او فاكره النخيل والجنه
او فاكره ليالى الحنه
فاكرانى نسيت انا فاكر
والضحكه كانت تجمعنا
والفرحه تشيل مواجعنا
والكون اللى كان بيسعنا
يفتحلك دراعه يجيلك
وتعودى لسحر موعودى
للقدر اللى عاش يسهرلك
والقلب اللى عمره باقيلك
والسهره مع مواويلك
وتعودى لحضن الغالى
وتدوقى نعيم موالى
اسعدبك جميع احوالى
والسعد تلاقيه سعدين
والشهد اللى بات محفوظلك
والوعد اللى بات مكتوبلك
لجبين الليالى بيشهد
وعنيكى اللى فضلت توعد
وعنيا اللى حلمانين
بالقعده فى شطوط الفرحه
والفرحه فى ضل الطرحه
والطرحه لشجر النسمه
والنسمه اللى سهرت باسمه
والبسمه الرقيقه الحلوه
الفاتحه ببان الغنوه
واللحن اللى من اللحانى
والنظره تبات سحرانى
وتعودى لفرحة قلبى
وافرشلك ورودى فى دربى
وادعيلك يحقق ربى
دعواتى وتصبحى ليا
سحرانى فى سهر لياليا
عاجبانى وماليه عنيا
للخضره وجمال الميه
والوجه الحسن بين ايديا
افتحلك ببان الجنه
ونعيش العمر نتهنا
ولا نصبر ولا نستنا
وتعودى

 

 


حبيبتى المسافره

شعر : محمد عبد القوى حسن

---------------------------------------- 

 أنا مسافرة ؛؛؛!!! أنا مسافرة ...        
تسافر حبيبتى
وتاخد معاها امانى العمر
تسافر عيونى وقلبى القمر
تسافر لاخر حدود احتمالى
وتاخد معاها قليب انشطارى
تسافر وتاخد اغانى الليالى
وانا بين ماسى وحزن انتظارى
اعانى السهر
اعانى القهر
اعانى سنينى وحنين
وشطوط انبهارى
بحارى بتوسع
وامواج بحارى بتعلى وتعلى
تشيلنى تحدفنى لعمق انتحارى
بحارى مديده
اهاتى شريده
ليالى شديده وقاسيه
بقسوة عناد القدر
تسافر حبيبتى وعيونى القمر
وبعد الرحيل المرير العسير الطويل
البخيل الهذيل
ارانى اسير الغدر
اسير زكرياتى واهاتى
ووحدة ساعاتى
تطول الليالى على
وما فيه ايدين بين ايديا
ولا نظره حلوه بتحضن عنيا
يرفرف قليبى
وطيف الحبيبه يهفهف
فيهتز قلبى
لعنف الرحيل المفاجىء
وارحل واعود
فى وجهى سدود
ولا شىء يحتضنى
ويمسح دموعى
صحارى وجفاف
سنينى العجاف
وما عدت اخاف
على ايه اخاف
اللى كانت بتحضن اهاتى تسافر
واللى كانت بتقرى امنياتى تسافر
واللى كانت لى مرسى
ولا يوم بتنسى
حنينها وانينها
فرحة سنينها
تسافر وازكر مكانها
سوالف حنانها
عطورها
قصايد شعرها فى عيونى
ودفىء الايدين الحنونه
فى حين ما تلامس
اصابعها يدى
شعرها الحريرى
وضحكة عبيرها
واذكر
وما عدت انسى
كؤؤس المحبه
مع عندليب ابتسامة قمرها
فى لقايا
ورقص ابتهاجها
فى ساعة غنايا
واحضان نسيمها
واحلام نعيمها
ورقة مشاعر مشاعر عيونها
واذكر واذكر
فى يوم اتقابلنا
فى اول بنايه
فى عش العشوش الهوى
والجوى
واول كلام من شفايف حبيبتى
واذكر خدودها فى خجلها
واذكر كسوفها وعسلها
واذكر حبيبتى فى كل انبهارها
فرحها وغضبها وزعلها
حبيبتى المسافره لوين السفر
والدروب اللى ياما
مشينا فى ظلالها
لوين المطاف والطواف
والرحيل المباغت
لوين
والساعات والسنين
وابتسامة ربيع ابتداء السفر
والخطر
والربيع الزهر
انشطار العمر
حبيبتى تسافر مسافره
ياويلى فى بعد السفر
ياويلى
ياويلى
ياويلى فى بعادك
حبيبتى
اللى مو كان بيدك سفر
اعاهدك حبيبتى
بقدر الماسى
اللى راح اعانى مرارها فى بعاك
ورغم ابتزازى فى سكاتك
اللى انى افضل اصون حبنا
وافضل على الود
احافظ على عهدنا
بحبك ولكن
جميع الاماكن
بتاخدك وتتركنى وحدى
بحبك
وماراح يبقى من الحب بعدى
بحبك وعارف بانك سجينه
رهينه وضحيه
حبيبتى القضيه
ماهى منتهيه
حبيبتى
قضية هوانا وعذابنا ابتدت
بدايتها صارت
مع ابتداء السفر
يالوعة قليبى فى بعادك
احسك واحس اغترابك
وانادى عيونك فى كل الثوانى
برغم انى اعانى النداء
ورغم انى اعرف
ماحد راح يرد على النداء
ولكن انادى
واظل انادى عليكى
وادور ايديكى
اقبلها مره
واحضنها مره
وبعديها اكتب كتاب السفر
الرحيل الاخير
فهل تقبلى برحيلى النهائى
قبل ما احضن ايديكى
وهل تسمعينى
انادى عليكى
وهل تقبلى اهدى روحى
جروحى وبوحى
لكفك
وهل يالمسافره الحبيبه
الحبيبه المسافره
للسفر من رجوع
حتى تجف الدموع
وهل راح اشوفك
قبل انتهاء العمر او اموت
وانا المسافر للقبر
اشهد بانى
ماعانيت الموت الموت الحقيقى
بقدر انى عانيت السفر المفاجىء
حبيبتى لوين السفر .

 

 

وهان عليك حبى

للشاعر محمد عبد القوى حسن

========================= 

رومانسيه حزينه

قصيدة وهان عليك حبى

. وهان عليك حبى
------------------
و

قصيدة وهان عليك حبى

. وهان عليك حبى
------------------
وهان عليك قلبى
نسيت خلاص حبى
نسيت ايامنا ليالينا
نسيت احلامنا حكاوينا
نسيت القعده ع المينا
نسيت الشوق واحلامنا
نسيت والقلب صار قاسى
نسيت عقلك صبح ناسى
نسيت وهواك قلبى
نسيت ورضاك حبى
نسيت يوم كانت الفرحه بتحضنا
غناك ع الشط يفتح لى
طريق للنور
وحوالينا الشجر والخضره
حوالينا العيون الساحره
حوالينا بنات الحور
حوالينا العطور وبخور
خلاص هانت خطاوينا
نسيت الشعر والاشعار
نسيت النغمه والموال
وكام كلمه ناقشهالك
على كفوفى المحنيه
وقمرة حبنا الاولى
فى سمواتنا ملاليه
نسيت بدرى
وطيف نجمى
وسمايا
نسيت حبى
وغناوى الفجر ورضايا
نسيت النسمه
نسيت البسمه
مع الرسمه
مع التوهه
مع التوهان
نسيت التوهه
ويا الدهشه والروقان
نسيتنى خلاص
انا مش ناسى ايامك
ماعدش احساس
انا مش ناسى احلامك ل
ا ايامك
ولا احلامك
ولا اشعارك
ولا اللهجه
ولا البهجه
ولا المنجه
ولا النغمات ولا البسمات
ولا النسمات ولامسيات
راح انساها
خلاص انسى خلاص اقسى
لكن طول عمرى ماهانساك
وحاستناك
تعالى نغنى للاشعار
تعالى نغنى للازهار
تعالى ونحضن البسمه
على كفوف الهوى والطير
تعالى نقول
لبسمة فجرنا الضاحك
صباح الخير
ياعينى يالليل
تعالى
فى تباشير الفجر
بدرى
تعالى
فى نسيم العمر
ياعمرى
تعالى
فى سما روحى
حاجزلك
مطرحين واسعين
تعالى نغنى للعاشقين
تعالى نعود تانى حبيبين
واللحنلك مواويلك
بدر ليلك ضيا عينك واغنيلك
قصايدى وانت تسمعنى
واسمع شعرك النابض
كلام معناه يدمعنى
لسه بعد داكله
عنك قلب يقسى
لسه بعد داكله
عندك قلب ينسي
انا عارفك .. انا فاهمك
عشان ذلك انا اترجاك
على زكراك
حاعيش العمر هاستناك
واتمناك
تجينى فى نفس مرسانا
وتلقانا بنستناك
ونتمنى فى يوم رؤياك
ونتمنى تعود لهواك
اكيد راجع اكيد
راجع وبكره بالامل
نلقاك نلقاك
وماننساك .


 وتبكى وقلبى يتقطع


شعر: محمد عبد القوى حسن
================ 

أني احبكي عندما تبكين
وتبكى وقلبى يتقطع
بدم الدم صار يدمع
ومش بايدى ومش ذنبى
حاجات مش قادر اوصفها
حاجات جوايا مدفونه
ويمكن نظرتى تفسر
وعهد الله انا بحبك
ولا اقدر على فراقك
ولا قلبى لغيرك لان
وعشت العمر فى الاحزان وبتعذب
ياريت ترحمنى احزانك
وقلبى فى عمره ماخانك
ونفسى فى ضمتك ضمه
بطول العمر انا اشيلك
فى احضانى
فداكى الروح اهى خديها
ياريت كنت اقدر اديها
ياريت الغاليه تعذرنى
انا فاهمك .. انا حاسك
ياريت انا اكون فى وجدانك
واعيش العمر علشانك
ودمعك قال 
كلام ما اتقال
ودمعك اكد انى انتى
صحيح ياغاليه عاشقانى
وانا عاشقك .. انا صاينك
عيونك اه على عيونك تدوبنى
تعذبنى وتكتبنى فى روح الروح
وابات مجروح على جروحك
لمين انا ابوح لغير دمعك
وانتى فى منام الليل انا سامعك
وحاسس لوعتك حاسك
لكن اشياء بتبعدنى
تخوفنى وترعبنى
واكتر من احاسيسك انا دايب
ولا عن نظرتك غايب
عشان انتى فى تكوينى
اسافر وانتى فى حنينى
والف الدنيا وارجعلك
بشوف كل البنات فيكى
بشوق الشوق الاقيكى
ينام الطير فى اعشاشه وانا سهران
انا اجيكى
ينام الليل على فراشه وانا حيران اناديكى
على فراش الحنين سهران وبتقلب
وعارف انه مش زنبك
وادعى ويستجيب ربك 
بانى اكون فدى لعيون بتدمعنى
فدى لنظرات تلوعنى
ويوم مانظرتك تضحك
اكون طاير من الفرحه
اكون اسعد حبيب فى الكون
ونفسى اكون سكن ليكى
بشعر ونبضى ارقيكى
واكتبلك بدمى كلام
يحققلك جميع لحلام
ياغاليه الدنيا ببحورها
وببخورها وبقصورها
بجناينها .. باغانيها .. بامانيها
بعشاقها بمحبينها 
ماتسوى دمعه من عينك
فارجوكى وبترجى واترجاكى ماتبكى
بكاكى قال كلام ما اتقال
بكاكى حرقنى مزعنى
ودم القلب نازف سال
ومش قادر الدمع فى كفوفى
ولا انا قادر انا اوصفلك
واحلفلك
على كل الكتب والدين
مافيه فى القلب غير حبك
وانا مسافر بوجدانى وعهد الله انا بحبك
وانا دايب مع حنانى مافيه فى القلب
غير حبك
وقلبى يشيل كتير احمال وبيحبك
ولو حبك يفارقنى اموت واموت
فدى حبك
بحبك كلمه ماتتقال
بحبك قلبى ميل مال
بحبك فى جميع لحوال
انا بحبك انا بحبك انا بحبك 
بحبك كلمه مش عادى
ولا لغيرك انا انادى
ياجاهى ومالى وبلادى
نشيدى وفرحتى وعيدى
ومش بايدى انى انا احبك
اقولها كيف واوصلها
وكيف بالنبض حسيها
وتوصلك .. اكيد والله توصلك
بطول العمر اندهلك
وتوصلك
وانتى فى حضنى بشتقلك
وتوصلك
انا فرحك وانا كرحك وانا جرحك
هاتوصلك
جرحتينى بدمع جراحك الصادقه
وحسيتم ونفسى بجرحى اداويكى
ونفسى بدمى ارويكى
بكل النبض كل الحب كل الحس
كل الصدق اهديكى
حياتى وعمرى واحلامى
الامى وفرحى وايامى
اموت وتعيشى واحبك
بكل احايسى انا بحبك
انا بحبك انا بحبك انا بحبك
ومحتاجلك وبحتاجلك وهاحتجلك
بطول العمر انا جنبك
حاسس نبضك فى جوايا
انا كاتبك .. انا عاشقك
اموت وارحل عن الدنيا
وما اشاهدك فى يوم تبكى
فماتبكيش
اذا كان فرحى بيهمك
تعالى نودع الاحزان
بضمة حب فيها حنان
وننسى كل افعال السنين والناس
فى ضمتنا
وترجع تانى ضحكتنا
وترجع تانى فرحتنا
ويرجع حبنا الانسان
دعا كروان
يصحى الطير
يناجى النيل
ينام الليل على جبينى
ينام البدر فى حنينى
ياقمرة صبحنا الضاحك
انا بحبك
تعيشى العمر لافراحك
وانا جنبك
اداوى بحبى اوجاعك
واكتبلك
كلامى وشعرى وغرامى
الامى وجرحى واحلامى
حياتى ومنيتى سلامى
كتابى وشعرى وعلامى
انا بحبك انا بحبك انا بحبك

 

 

اناشيد لضى القمر

شعر : محمد عبد القوى حسن

==============

مهداه الى الشاعره فاطمه المرسى


من امنيات السحر تطلع

 

تكتب لضى الكون اناشيد القمر

 

ساعة ماتحلى القعدة فى نسمة  ربيعه

 

تلاقيها جاياك تنتشى ريحة  لمون

 

او برتقان دهشة الموج المسافر للسكك

 

عناب بيرمى فوق شطوط السحر تمراته

 

وزبيب نجيب طعمه يطيب للوقت

 

فى ضحى الاشتياق

 

وورد الندى الطالع بكل ما فيه

 

يمد ايديه

 

فعنيه تميل لعنيك

 

خيره يكون بين ايديك

 

مشتل اغانى يفرح الكون بالطلوع

 

ينبوع رضا وعروق حنان على شجر ابتسام

 

ايام بتتورق من على شجر العمر

 

ولاتتحسبش اللحظه م المواقيت

 

اللحظه دى فى القبايات شربات

 

شربات بيسبح فى المهج

 

فيحتويك الشهد كله

 

لاتمله

 

وانت فى صفوة هناك

 

بتحنى فى كفوف اطفال ملايكه ندهتك

 

بين عطفة الروح الشجيه

 

وفاطمه المرسى بين حقول سموات املنا

 

بتبدر القمحات

 

وتهادى عصافيرنا على شجر الضحكه العفيه

 

بامنيات

 

لطلعة الجنات

 

فى فردوس اغنياتها

 

وشعرها المغموس بنيل وفرات

 

وطابور من الحوريات

 

واقفين بيقروا نشيد طلوع

 

لصفوة الكون فى المهج

 

 ====================================== 

شىء مايتحكاش
-------------
للشاعر / محمد عبد القوى حسن
عضو اتحاد كتاب مصر
================= بالعاميه المصريه ========
وشىء ما يتوصفشى
وشىء ما يتحكاش
يتحس بس لكن
شاغل كل الاماكن
ف اعماق اعماقى ساكن
وحلاوته ما تتنساش
مش قادر افسره
ولا قادر اغيره
لكن دخلنى فجاه
والله كان مفاجاه
للقلب وللعروق
دخل يجرى بذوق
فى بحار الشوق يروق
واشجار الانتعاش
وانا كل حياتى صحره
مافيهاش ولا نبته خضره
من كتر ماهيه خطره
دايما اقول بلاش
بلاش امنى نفسى
دايما مقفول ياحسى
بتموت من بين سنينى
تقتل فيا حنينى
وحنينى بحر هادر
دايما على طول مسافر
مش لاقى اى شط
ولا ف اى ارض حط
فى عروقى حنينى باش
والحس اللى دخلنى
هوه الوحيد بهرنى
جانى بسرعه وامرنى
وانا لبيت النداء
احساس مليان عطاء
مليان خضره وسخاء
كل دروبه بهاء
بيعلمنى الوفاء
مش قادر اوصفه
ولا قادر انصفه
اكمنى ما كنت ادرى
طلعت قلبى بدرى
وبسرعه على المعاش
وسؤال دلوقتى حاير
قلبى اللى عمره باير
هل تنفع فيه زراعه
يام الذوق والوداعه
جوابك ليه ما جاش
داشىء ما يتوصفشى
وشىء ما يتحكاش

============================ 

 


وتاني حبيبي من تاني
**********
وتانى حبيبتى نتجمع
نعيش افراحنا من تانى
وتانى الحضن يشفينا
تغنى الفرحه فى عنينا
نبوس اعتاب امانينا
فى ضل الفرحه مانعانى
وتانى ياغاليه من تانى
هانتجمع
مابين الورد والاشجار
ونرقص تانى كالازهار
تغنى بحبنا الاشعار
ويطرح حبنا امانى
وتانى ياغاليه من تانى
على شط الهوى تجينا
نسايم فرح ع المينا
ياخدنا الموج يودينا
لفرحة شوقى وحنانى
وتانى ياغاليه من تانى
حانسهر فى ضيا القمره
فى ليله بحبنا عامره
حبيبتى ياغاليه ياسمره
وهبتلك هوى جنانى
وتانى ياغاليه من تانى
هايفرح حبنا الموعود
ويطرح وردنا بورود
تنادينى انا موجود
نسايم حب وتهانى
وتانى ياغاليه من تانى
انا اجيلك اغنيلك
على عود ناى ضيا سنينك
اللحنلك مواويلك
وافرح فى تفانينك
اكونلك نور ضيا عينك
تكونى بحب سايعانى
وترجع تانى لمتنا
وترجع تانى بهجتنا
نغنى فى فرح فرحتنا
ويرجع حبنا تانى
وتانى حبيبتى من تانى


=========================================== 

 


عدى الشهور 
-----------------

يابنت مشمش ربيعك

فى الفؤاد خضر
لون زهورى 
ووسع الشرايين
فتح انسجامى 
بابه للضحكه
غنت يمامات الهوى
على وصلة التراحيل
سافرت عيونى لجنونى
فى رحله بلا مواعيد
هل قلتى ام حاتنعيد
كل الكلام الجديد
زى اللى ما اتكرر
بيسيل لعابى لغيابى 
الشهد متكرر
وانا مش هاكرر دخولى
لجناينك الوحمانين
لاتشتهينى لسفاينك
فى الهجير
لامواج حنين
قزمى اكتبينى فصلتين
فى دفاتر المغرمين
للغربه والحكايات
قطرك ماعمروش فات
قطرك على رصيف الفؤاد
طالع فى يوم العيد
ياام الامل مندمل
طايلاه ايدين تشريد
خدى الايدين الشفيفه
تمسح سنين الغبار
يوسع فى عينك مدار 
بكره بلا ترديد
ولا كنتى ساره ضحكتك
للاحتلام بيا
لكن انشطارك
للربيع بيجود
صدف البحار البايشه
فى عروقك
زاينه المحار اللى جارح
خد حزن شطوطى
ارمى بياضك جوه 
منديل الحنين
تلاقينى زادك بين 
صحارى السنين
رابط فى اوتادك
حبل الخلاص رابط
والباب داظابط 
فتحته للحضور
عدى الشهور
واتصبرى ماتدور
ابدا عليكى الليالى 
بطول مياه البحور
وان طيفى 
غاب انتداب نسيان
اقرى كتابى ف
ى سما روحك
لقنيه بوحك
يوصلى دوحك 
لو هواكى
لزنقة الشرايين 
ر
هـ
ى
ن


 

 

 

===================== 

 لما بتهلى فى جنونى

صور رومانسية 2011

لما نسمة شوق تعدى

فوق جبين الروح تاخدنى

تنتشى بورد ابتسامك

تحتسى عسل اشتهائك

يكمل البدر فى جبينك

قطفتين من لون حنينك

زرعتين على شال عيونك

هفهفوا بسرعه و خدونى

لامنيات السحر جنبك

احلمك مهرة لصيفى

واندهك عطفة مصيرى

بالامانى الذوق لبحرك

استحمى ف طيف حضورك

هدهدينى ياحنينى بشوق

عيونى كحلينى

من عسل صفو اشتهائك

اشطفك بلسم ياعينى

واكتبك قصه ف جداولى

تروى طمى الرحله حاولى

تنزلى لبستان عبيرك

وانا بين ترعة مصيرك

واقف اقرا نشيد حنانك

اوهب الفرحه عشانك

خطوتين من كون جمالك

نسمتين من لون امالك

عشق صافى نهر شافى

لما بتهلى فى جنونى